ამერიკის ელჩმა საქართველოში, კელი დეგნანმა მთავარი არხის მეწილის, გიორგი რურუასთან დაკავშირებით სასამართლოს გადაწყვეტილებაზე კომენტარი გააკეთა. მისი თქმით, იმედოვნებს, რომ მოსამართლეს, რომელმაც რურუას განაჩენი გამოიტანა, ჰქონდა საშუალება, გადაწყვეტილება დამოუკიდებლად მიეღო.

"ვიმედოვნებ, რომ მოსამართლეს, რომელმაც ბატონი რურუას განაჩენი გამოიტანა, ჰქონდა საშუალება, გადაწყვეტილება მიეღო დამოუკიდებლად", — თქვა დეგნანმა [მთავარი არხის თარგმანი].

დეგნანი აღნიშნავს, რომ დამოუკიდებელი სასამართლო სისტემა საქართველოს განვითარებისთვის მნიშვნელოვანია.

"ადრეც მითქვამს, რომ დამოუკიდებელი სასამართლო სისტემა არის უმნიშვნელოვანესი საქართველოს განვითარებისთვის, იმისათვის, რომ საქართველის მოსახლეობა ენდობოდეს სასამართლოსა და მოსამართლეებს, მათ მიერ მიღებულ გადაწყვეტილებებს, იმისათვის, რომ ინვესტორებმა განახორციელონ ინვესტიციები და ქვეყანამ განაგრძოს დემოკრატიული პროგრესი", — განაცხადა დეგნანმა [მთავარი არხის თარგმანი].

მნიშვნელოვანია, რომ კონგრესიდან წამოსულ წერილებს ვუსმინოთ — კელი დეგნანი