ინფექციური საავადმყოფოს დირექტორის, მარინა ეზუგბაიას განცხადებით, შეზღუდვების მოხსნის მიუხედავად, მოსახლეობის ცხოვრების წესი არ უნდა შეიცვალოს. გარდა ამისა, ეზუგბაია ამბობს, რომ აკრძალვის მოხსნა "ძალიან მნიშვნელოვანი არ უნდა იყოს" და წესებით ცხოვრება კვლავ უნდა გავაგრძელოთ.

"კვირაზე მეტია მატება არ აღემატება ერთნიშნა რიცხვს. თუ ასე გაგრძელდა, პიკის პერიოდში ვართ კიდევ, შეიძლება ითქვას, რომ გადალახულია. იმედი არის, რომ ასე შეიძლება განვითარდეს სცენარი [...] შეზღუდვები შემსუბუქდება, მაგრამ მოსახლეობამ უნდა გააგრძელოს ამ შეზღუდვების პერიოდში არსებული დაცვის საშუალებების გამოყენება და ცხოვრების წესი ძალიან არ უნდა შევიცვალოთ", — განაცხადა ეზუგბაიამ.