დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის პირველი საუნივერსიტეტო კლინიკის დირექტორის, ლევან რატიანის თქმით, დღის ბოლომდე ელოდებიან 15-16 პაციენტის პასუხებს და სავარაუდოდ ისინი კლინიკას დატოვებენ.

"ამ ეტაპზე კლინიკაში არის 105 პაციენტი აქედან 86 ინფიცირების შემთხვევა. დღეს ეწერება ერთი პაციენტი. გუშინ გაგზავნილი იყო რამოდენიმე ათეული [ტესტი] და მოვიდა უარყოფითი პირველადი. დღეს გაგზვანილია, ველოდებით პასუხს და ალბათ 15-16 პაციენტი დატოვებს კლინიკას, თუ პასუხები უარყოფითი მოვიდა", — თქვა ლევან რატიანმა.

ექიმის თქმით, დღეს, 28 აპრილს საქართველოში დადასტურებული კორონავირუსის ახალი შემთხვევებიდან მათ კლინიკაში არცერთი არაა. რატიანმა, ასევე, აღნიშნა, რომ რეანიმაციაში 8 პაციენტი იმყოფება და მათი მდგომარეობა უარყოფითი კლინიკის გარეშეა.

ბოლო მონაცემებით, საქართველოში კორონავირუსით ინფიცირების 14 ახალი შემთხვევა დადასტურდა და ინფიცირებულთა რიცხვი 511-მდე გაიზარდა. მათგან გამოჯანმრთელებულია 156 ადამიანი, ხოლო გარდაცვლილია 6. კარანტინის რეჟიმში 5 107 ადამიანი რჩება, სტაციონარში მეთვალყურეობის ქვეშ კი 534.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: