პრემიერმინისტრის პრესსპიკერის, ირაკლი ჩიქოვანის განცხადებით, საგანგებო მდგომაროება საჭიროა მანამ, სანამ ქვეყანა COVID-19-ს ებრძვის. ამის შესახებ მან პირველი არხის ეთერში ისაუბრა.

ჩიქოვანის თქმით, საგანგებო მდგომარეობის დასრულების ვადებსა და თარიღებზე დღეს საუბარი მისი მხრიდან არასწორი იქნება.

"საგანგებო მდგომარეობა საჭიროა მანამ, ვიდრე ქვეყანა ებრძვის COVID-19-ს, თუმცა სხვადასხვა ეტაპს აქვს სხვადასხვა მოთხოვნები. ჩვენ ამაზე საუბარი შეგვეძლება უფრო მოგვიანებით, მაშინ, როდესაც მივუახლოვდებით საგანგებო მდგომარეობის ამოწურვის ვადას", — აღნიშნა ირაკლი ჩიქოვანმა.

კორონავირუსით ინფიცირებულთა რიცხვი 497-მდე გაიზარდა. ინფორმაცია ამის შესახებ StopCov-ის ვებგვერდზეა გამოქვეყნებული.

კორონავირუსისგან კიდევ 7 ადამიანი გამოჯანმრთელდა, გარდაიცვალა 6 პაციენტი. კარანტინის რეჟიმში რჩება 5 107 ადამიანი, ხოლო სტაციონარში მეთვალყურეობის ქვეშ — 534.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: