დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დამწვრობის ცენტრის ხელმძღვანელის, გუგა ქაშიბაძის განცხადებით, კორონავირუსისი გავრცელების პერიოდში ზედმეტ კონტაქტს შეიძლება სიცოცხლის ფასიც კი ჰქონდეს. ექიმმა ამ თემაზე მთავარი არხის ეთერში ისაუბრა და მოქალაქეებს კიდევ ერთხელ მოუწოდა სახლში დარჩენისკენ.

"თითოეული ჩვენგანის გარკვეული ნაბიჯი, ზედმეტი კონტაქტი, შეიძლება ვიღაცას სიცოცხლის ფასად დაჯდეს. ამაზე უნდა ვიფიქროთ, ომში ვართ, მერე რა, რომ მტერი არ ჩანს, მერწმუნეთ ის ჩვენთ გვერდითაა და იმაზე ახლოსაა, ვიდრე თითოეულ ჩვენგანს წარმოუდგენია", — თქვა გუგა ქაშიბაძემ.

ექიმის თქმით, ეს მარტო ექიმების, ჟურნალისტებისა თუ ეკონომისტების ომი არაა და ის ყველას ეხება.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: