შინაგან საქმეთა მინისტრის, ვახტან გომელაურის მტკიცებით, ხალხმრავალი შეკრების მიუხედავად, ეკლესია კანონს ყველაზე კარგად იცავს. ამ თემაზე მინისტრმა ჟურნალისტებთან ისაუბრა და საპატრიარქოს თანამშრომლობისა და გვერდში დგომისთვის მადლობა გადაუხადა.

"თუ დაარღვევენ კანონს, და კანონს ესენი არ არღვევენ, ყველაზე კარად იცავენ მერწმუნეთ, თუნდაც ეკლესიაში იმ დისტანციას, რასაც თუნდაც ახლა ჩვენ ვარღვევთ. კომენდანტის საათთან დაკავშირებით, რომ აღარ გამოვიდნენ გარეთ 6 საათზე, რასაც იძახდნენ სასულიერო პირები ეს დარღვევა იქნება? მეუფეები თვითონაც მოუწოდებენ, რომ დაჯარიმდებით თუ დარღვევით კანონს", — თქვა ვახტანგ გომელაურმა.

მინისტრმა აღნიშნა, რომ საპატრიარქოსთან აღდგომის აღნიშვნასთან დაკავშირებით პოზიციები ბოლომდე შეჯერებული არაა. გომელაური დარწმუნებულია, რომ ეკლესია და სახელმწიფო ისე შეჯერდება, რომ კანონი არც ერთმა არ დაარღვიოს.

საქართველოში კორონავირუსით ინფიცირების 3 ახალი შემთხვევაა და ჯამში ინფიცირებულთა რაოდენობა 214-მდე გაიზარდა. დადასტურებულ შემთხვევებს შორის გამოჯანმრთელებულია 50 ადამიანი. ინფიცირებულებს შორის კი გარდაცვლილია 3 პირი. კარანტინის რეჟიმში 4 559 პირი რჩება, ხოლო, სტაციონარში მეთვალყურეობის ქვეშ 353 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: