დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოს პრეზიდენტის, სალომე ზურაბიშვილის თქმით, ქვეყანა კორონავირუსის გავრცელების ახალ ფაზაში შედის, რომელიც შესაძლოა, ბევრად უფრო მძიმე აღმოჩნდეს. ამის შესახებ ზურაბიშვილმა მარნეულის მუნიციპალიტეტის შესასვლელთან მდებარე გამშვები პუნქტის მონახულებისასა განაცხადა.

პრეზიდენტმა მადლობა გადაუხადა ჯანდაცვის უწყების, შინაგან საქმეთა სამინისტროსა და თავდაცვის ძალების წარმომადგენლებს, რომლებიც ერთობლივად და ორგანიზებულად მუშაობენ კორონავირუსის წინააღმდეგ ბრძოლაში.

ყველას ერთმანეთის მიმართ ბევრად უფრო მეტი სიფრთხილე დაგვჭირდება, ჩვენ პასუხისმგებელნი ვართ, რადგან შესაძლოა, სახელმწიფომ ყველაფერი გააკეთოს, მაგრამ საკმარისია ერთმა ადამიანმა დაარღვიოს სიფრთხილის ნორმები და ამას ძალიან მძიმე შედეგი ჰქონდეს. მე დღეს აქ მოსვლით, უპირველესად, მინდოდა მადლობის გადახდა იმ ადამიანებისათვის, ვინც ჩვენთვის იბრძვიან და ასევე, გამეფრთხილებინა ყველა — ჩვენ ეხლა ბრძოლის ახალ ეტაპს ვიწყებთ, როცა ყველანი შემართებით და სიფრთხილით უნდა ვიყოთ და ვიცოდეთ, რომ ჩვენ ყველა ვართ პასუხისმგებელი ერთმანეთის ჯანმრთელობაზე", — განაცხადა ზურაბიშვილმა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: