პრემიერ-მინისტრის გიორგი გახარიას თქმით, 70 წლის მოხუცებისა და სოციალურად დუაცველების ყოველდღიური საჭიროებების დასაკმაყოფილებლად სპეციალური მექანიზმი შეიქმნება. პრემიერმა აღნიშნა, რომ კორონავირუსის გავრცელების პერიოდში მნიშვნელოვანია ზრუნვა 70 წელს გადაცილებულ მოქალაქეებზე, რომლებიც მთავრობის რეკომენდაციით თვითიზოლაციაში უნდა იყვნენ.

"დღეს ეკონომიკის სამინისტროს და საქართველოს ფოსტას, ჯანდაცვის სამინისტროსთან ერთად დაევალათ, შექმნან მექანიზმი, რომელსაც შესთავაზებენ სოციალურად დაუცველებს და 70 წელს გადაცილებულ პენსიონერებს, იმ მომსახურეობის გაწევისთვის რომელიც მათ ესაჭიროებათ ყოველდღიურად", — აღნიშნა გიორგი გახარიამ.

მთავრობამ 70 წელს გადაცილებული ადამიანებისთვის თვითიზოლაციის რეკომენდაცია გუშინ, 16 მარტს გასცა. გადაწყვეტილება უწყებათაშორისი საბჭოს შეხვედრის შემდეგ გახდა ცნობილი.