დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის (NCDC) ინფორმაციით, ლაბორატორიული კვლევის შედეგებით დადგინდა, რომ პირველ ინფიცირებულ პაციენტს კორონავირუსზე ისევ დადებითი შედეგი აქვს, თუმცა ვირუსული დატვირთვა შემცირებულია.

დღეს, 11 მარტს ცენტრის დირექტორის მოადგილემ, პაატა იმნაძემ განაცხადა, რომ პირველ პაციენტს, ანუ ირანიდან შემოსული ინფიცირებულ პირს, ვირუსის მიმდინარეობა მსუბუქი ფორმით ჰქონდა და ასეთი შემთხვევები ძირითადად 14 დღე გრძელდება, რაც უკვე გავიდა. მისივე თქმით, პაციენტს ბოლო ორი დღე სიმპტომები საერთოდ არ ჰქონდა, ამიტომ არსებობდა მოლოდინი, რომ მისი ტესტის შედეგი უარყოფითი იქნებოდა.

"თუ ეს ორი პასუხი იქნება უარყოფითი, მას გაწერენ", — განაცხადა იმნაძემ მაესტროს ეთერში.

ამ ეტაპზე საქართველოში კორონავირუსით ინფიცირების 23 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: