დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორი პაატა იმნაძე აცხადებს, რომ ხვალ, 12 მარტს შესაძლოა საქართველოში კორონავირუსისგან განკურნების პირველი შემთხვევა დაფიქსირდეს. კერძოდ, იმნაძე განმარტავს, რომ პირველ ინფიცირებულს, ანუ პირს, რომელიც ირანიდან შემოვიდა საქართველოში, ვირუსის მსუბუქი მიმდინარეობა ჰქონდა და ასეთი შემთხვევები ძირითადად 14 დღე გრძელდება, რაც უკვე გავიდა.

იმნაძის თქმით, პაციენტს ბოლო ორი დღეა სიმპტომები საერთოდ არ აქვს, ამიტომ დღეს და ხვალ დაგეგმილია მისი ორჯერადი ტესტირება.

"თუ ეს ორი პასუხი იქნება უარყოფითი, მას გაწერენ", — განაცხადა იმნაძემ მაესტროს ეთერში.

გავრცელებული ინფორმაციით, პაციენტს უკვე ჩაუტარდა ტესტი, რომელმაც დაადგინა, რომ ის ისევ ვირუსის მატარებელია. ეს ფაქტი იმნაძემ უარყო. მისი თქმით, პაციენტს დღეს უტარდება ტესტი.

ამ ეტაპზე საქართველოში კორონავირუსით ინფიცირების 23 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: