დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

იტალიასთან პირდაპირი ფრენები დროებით შეჩერდა. ამის შესახებ უწყებათაშორისი საკოორდინაციო საბჭოს შეხვედრის შემდეგ გახდა ცნობილი. დღეს, 6 მარტს საბჭოს წევრებმა კორონავირუსის გავრცელების პრევენციის მიზნით ახალი გადაწყვეტილებები მიიღეს.

პირდაპირი ფრენების შეჩერებასთან ერთად კორონავირუსის მაღალი რისკის ქვეყნებიდან საქართველოში ჩამოსული პირებისთვის 14-დღიანი კარანტინი სავალდებულო გახდა. წესი ვრცელდება, როგორც საქართველოს, ასევე, უცხო ქვეყნის მოქალაქეებზე, თუ მათ არ აქვთ შემოწმების სპეციალური ცნობა.

უწყებათაშორისი კომისიის შეხვედრამდე ჯანდაცვის მინისტრმა, ეკატერინე ტიკარაძემ აღნიშნა, რომ იტალიასთან ფრენების შეჩერება არ იგეგმებოდა, რადგან ეს საქართველოს მოქალქეებს დამატებით პრობელემბს შეუქმნიდა.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: