შინაგან საქმეთა სამინისტროს ცნობით, ორი არასრულწლოვანი წინასწარი შეთანხმებით, ჯგუფის მიერ ჩადენილი ძარცვის ბრალდებით დააკავეს. შემთხვევა ახალციხის მუნიციპალიტეტში მოხდა.

გამოძიების ვერსიით, ბრალდებულები ახალციხის მუნიციპალიტეტის სოფელ აწყურში მდებარე სასურსათო მაღაზიაში შეიჭრნენ, სავაჭრო ობიექტის მეპატრონეს თანხა და პროდუქცია წაართვეს და ადგილიდან მიიმალნენ.

შსს-ს ცნობით, ნივთმტკიცებად ამოღებულია ნაძარცვი პროდუქცია და თანხა. გამოძიება საქართველოს სისხლის სამართლის კოდექსის 178-ე მუხლის მე-2 ნაწილის "ბ" ქვეპუნქტით, ასევე, ამავე მუხლის მე-3 ნაწილის "ა" და "ბ" ქვეპუნქტებით მიმდინარეობს, რაც არაერთგზის, წინასწარი შეთანხმებით ჯგუფის მიერ ძარცვას გულისხმობს. დანაშაული 4-დან 8 წლამდე ვადით თავისუფლების აღკვეთას ითვალისწინებს.