თბილისიდან სტამბოლში მიმავალი ავტობუსისა და სატვირთო ავტომობილის შეჯახების შედეგად ერთი ადამიანი დაიღუპა და 21 დაშავდა. როგორც ON.ge-ს საგარეო საქმეთა სამინისტროში განუცხადეს, დაღუპული თურქეთის მოქალაქე იყო. მათივე ინფორმაციით, დაშავებულებიდან სამი ადამიანის მდგომარეობა მძიმეა და სამივე მათგანი თურქეთის მოქალაქეა.

საგარეო საქმეთა სამინისტროს ინფორმაციით, შემთხვევის ადგილზე მიემგზავრება თურქეთში საქართველოს საელჩოს წარმომადგენელი.

შემთხვევა დღეს, 30 დეკემბერს, დილით ჩანქირის პროვინციაში მოხდა. დაშავებულები ახლომდებარე საავადმყოფოებში გადაიყვანეს.