"ეს არ არის სასიამოვნო გადაწყვეტილება, მაგრამ არაფერია მოულოდნელი", - ეს განცხადება ენმ-ს წევრმა, აკაკი ბობოხიძემ მას შემდეგ გააკეთა, რაც სანდრა რულოვსმა არჩევნების მეორე ტურში მონაწილეობაზე უარი განაცხადა.

როგორც ბობოხიძემ განმარტა, პარტიაში ყოველთვის არის და იყო აზრთა სხვადასხვაობა. მმისი თქმით, მიუხედავად ზემოაღნიშნული ფაქტისა, იმედს იტოვებს რომ ერთიანი ნაციონალური მოძრაობა არსებული რეჟიმის წინააღმდეგ ერთიან ფრონტს მაინც შეინარჩუნებს.

ერთიანი ნაციონალური მოძრაობის ზუგდიდის მაჟორიტარული დეპუტატობის კანდიდატმა, საქართველოს ყოფილმა პირველმა ლედიმ, სანდრა რულოვსმა გადაწყვიტა, რომ საპარლამენტო არჩევნების მეორე ტურში მონაწილეობა არ მიიღოს.