სტატისტიკის ეროვნული სამსახურის მონაცემებით, 2019 წლის მესამე კვარტალში საშუალო თვიური ხელფასი გასულ წელთან შედარებით 91,6 ლარით გაიზარდა და 1 217 ლარი შეადგინა.

საქსტატის მტკიცებით, 2019 წლის მესამე კვარტალში ხელფასები გაიზარდა თითქმის ყველა სექტორში. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში:

  • მშენებლობა — 2 008 ლარი (წლიური ზრდა — 16,4 პროცენტი);
  • ინფორმაცია და კომუნიკაცია — 1 958 ლარი (წლიური ზრდა — 9,7 პროცენტი);
  • პროფესიული, სამეცნიერო და ტექნიკური საქმიანობები — 1 936 ლარი (წლიური ზრდა — 3,7 პროცენტი);
  • საფინანსო და სადაზღვევო საქმიანობა — 1 898 ლარი (წლიური ზრდა — 19,4 პროცენტი).