თბილისის მერის, კახა კალაძის თქმით, კომპანია თბილისის მიკროავტობუსთან ე.წ. ყვითელი ავტობუსების ჩანაცვლებაზე შეთანხმდნენ ისე, რომ მგზავრობის ტარიფი არ გაიზრდება. როგორც მთავრობის სხდომაზე ვიცე-მერმა, ირაკლი ხმალაძემ განაცხადა, თბილისის მერია და კომპანია მიკროავტობუსების ჩანაცვლებას ერთობლივად დაიწყებს და ამის შესაბამისი მემორანდუმიც გაფორმდება.

ხმალაძის განმარტებით, თავდაპირველად 300 ერთეულ მიკროავტობუსს თბილისის მუნიციპალიტეტი შეისყიდის. მისივე თქმით, ფინანსური მდგომარეობის გაუმჯობესების შემდეგ კომპანია დანარჩენ ავტოპარკსს ჩაანაცვლებს და მერიის მიერ შესყიდულ მიკროავტობუსებსაც გამოისყიდის.

"ჩვენამდე მმართველობის პერიოდში, ფაქტობრივად თვალი ეხუჭებოდა ყველა იმ ფინანსურ პრობლემას, რომელიც კომპანიის ირგვლივ ტრიალებდა. შესაბამისად, ტარიფის ზრდაზე მოთხოვნა არის ლეგიტიმური და ეს ყველაფერი დადასტურებულია აუდიტორული დასკვნით... მიუხედავად იმისა, რომ კომპანიის ფინანსური მდგომარეობა მძიმეა, ჩვენი კონცეფცია არ ითვალისწინებს ტარიფის ზრდას და ამის მთავარი მიზეზი არი სის, რომ ტარიფის ზრდა ეწინააღმდეგება ჩვენს სატრანსპორტო პოლიტიკას, რომელიც ითვალისწინებს საზოგადოებრივი ტრანსპორტის წახალისებას", — აღნიშნა ირაკლი ხმალაძემ.

ე.წ. ყვითელი ავტობუსების ჩანაცვლებაზე თბილისის მერმა ნოემბრის ბოლოს იუსაბრა. ავტოპარკის ცანაცვლებას ის 2020 წლიდან ითხოვდა. ამავე დროს, კომპანია თბილისის მიკროავტობუსი აცხადებდა, რომ მგზავრობის ტარიფის გაზრდის გარეშე ე.წ. ყვითელი ავტობუსების ჩანაცვლებას ვერ შეძლებდა.