პარლამენტთან აქციაზე მყოფმა ექსპრეზიდენტმა, გიორგი მარგველაშვილმა განაცხადა, რომ ეს ბრძოლა, რომელიც საზოგადოებამ და ოპოზიციურმა პარტიებმა დაიწყეს შედეგს ერთ და ორ დღეში არ გამოიღებს, მაგრამ ამას მნიშვნელობა არ აქვს და ბრძოლა უნდა გაგრძელდეს, რადგან სასწორზე თვისუფლება დევს.

"ტაქსიკასთან დაკავშირებით მე მაინცდამაინც რომ გითხრათ, რომ დეტალები მაინტერესებს, ნაკლებად. აქ ჩვენ ვდგავართ უზენაესი ღირებულების დასაცავად. ასე, რომ ერთ დღეში გამოვა თუ ორ დღეში, ეს არი არის რაღაც, რაც შედგება მარტივად და უცბად. აქ ამოსავალი არის სხვა რამე. სხვანაირად ქართულ საზოგადოებას ცხოვრების გაგრძელება გაუჭირდება", — განაცხადა ტელეკომპანია პირველთან ინტერვიუში მარგველაშვილმა.

პარლამენთან ოპოზიციისა და სამოქალაქო საზოგადოების საპროტესტო აქცია — ყველა მინუს ერთი დაიწყო. გარდა ამისა, 17 საათზე პატრიოტთა ალიანსის ორგანიზებით საპროტესტო აქცია დაიწყება რესპუბლიკის მოედანზე.

მთელი ოპოზიციური სპქეტრი და სამოქალაქო საზოგადოება პროპორციული საარჩევნო სისტემის კანონპროექტის ჩაგდებას აპროტესტებს და ვადამდელ საპარლამენტო არჩევნებს მოითხოვს.

პარლამენტში შენობაში უკვე განლაგებულია გაძლიერებული საპოლიციო ძალები. საკანონმდებლო ორგანოში სპეცრაზმმა იარაღიც შეიტანა. საპატრულო პოლიციის უფროსი, ვაჟა სირაძე ამბობს, რომ პარლამენტში ცეცხლსასროლი იარაღი არ არის.