ქართული ოცნების დეპუტატისთვის, ვიქტორ ჯაფარიძისთვის ლოგიკურია, რომ მან თავისივე დარეგისტრირებულ კანონპროექტს მხარი არ დაუჭირა. ჯაფარიძე ერთ-ერთია ოცნების იმ 35 დეპუტატს შორის, რომელმაც ჯერ დაარეგისტრირა საკონსტიტუციო ცვლილებები, შემდეგ კი ხმა არ მისცა.

"თქვენ ხო დამირეკეთ, ეს თქვენი არჩევანი იყო. მეც მაქვს ჩემი არჩევანი, რაც მინდა, ის გავაკეთო..." — ამბობს ჯაფარიძე On.ge-სთან საუბრისას.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო.