შინაგან საქმეთა სამინისტროს ინფორმაციით, სამეგრელო-ზემო სვანეთის პოლიციის თანამშრომლებმა, არჩევნებზე ჯიხაშკარში მომხდარ ინციდენტში ბრალდებული დააკავეს:

"მიმდინარე წლის 8 ოქტომბერს ზუგდიდის რაიონის სოფელ ჯიხაშკარში 108-ე საარჩევო უბნის დარბევის ფაქტზე, საქართველოს სისხლის სამართლის კოდექსის 163-ე მუხლით, ზუგდიდის რაიონული სასამართლოს განჩინების საფუძველზე, 1957 წელს დაბადებული კ.ტ. დააკავეს".

შსს-ს ცნობით, ჯიხაშკარის ორივე საარჩევნო უბანში მომხდარ ფაქტებთან დაკავშირებით, გამოძიება გრძელდება. მიმდინარეობს ინტენსიური ოპერატიულ-საგამოძიებო მოქმედებები და დანიშნულია შესაბამისი ექსპერტიზები.

დაკავებულის ადვოკატი აცხადებს, რომ რომ 60 წლის კაცს ყანაში მუშაობის დროს, კანონდარღვევით აღუკვეთეს თავისუფლება.