"ღირსეული ადამიანის ღირსეული გადაწყვეტილება", — ასე შეაფასა იურიდიულ საკითხთა კომიტეტის თავმჯდომარე ანრი ოხანაშვილმა თავის თანაპარტიელის, ვანო ზარდიაშვილის მიერ თანამდებობის დატოვება.

ოხანაშვილი ირწმუნება, რომ ამ საკითხზე გადაწყვეტილება ზარდიაშვილმა დამოუკიდებლად მიიღო და შემდეგ შეუთანხმა პარლამენტის თავმჯდომარესა და გუნდს.

ვანო ზარდიაშვილმა თანამდებობის დატოვების შესახებ განცხადება დღეს, 7 ოქტომბერს გაავრცელა. ის დეპუტატი 2016 წლის საპარლამენტო არჩევნებით გახდა.

ზარდიაშვილის მიერ თანამდებობის დატოვებაზე განცხადებას წინ უსწრებდა მის ყოფილ თანაპარტიელთან, ეკა ბესელიასთან კონფლიქტი. მან კომიტეტის ერთ-ერთ სხდომაზე ახსენა სიტყვები "ბესელიას მორალი", რითაც, სავარაუდოდ, მიანიშნა იმ ფარულ ჩანაწერებზე, რომელიც ბესელიას წინააღმდეგ გავრცელდა.