მოსკოვში მორიგი მასშტაბური საპროტესტო აქცია გაიმართა. ოპოზიციამ და სამოქალაქო აქტივისტებმა "მოსკოვის საქმის ფიგურანტი" პოლიტპატიმრების გათავისუფლება მოითხოვეს.

არასამთავრობო ორგანიზაცია თეთრი მრიცხველის ინფორმაციით, მიტინგს 25 200 ადამიანი ესწრებოდა. რუსეთის შინაგან საქმეთა სამინისტროს ინფორმაციით კი 20 000.

ფოტო: TVRAIN

აქცია შეთანხმებული იყო შესაბამის ორგანოებთან და ამჯერად დაკავებების გარეშე ჩაიარა. აქციაზე სიტყვით გამოვიდნენ ოპოზიციონერი ალექსეი ნავალნი და ლუბოვ სობოლი. ორივე მათგანი საპროტესტო აქციებზე არაერთგზის იყო დაკავებული.

ალექსეი ნავალნი

ალექსეი ნავალნი

ფოტო: TVRAIN

ლუბოვ სობოლი

ლუბოვ სობოლი

ფოტო: TVRAIN

"გაათავისუფლე" — ამ აქციის მთავარი მესიჯი იყო, თუმცა დემონსტრანტების სხვა პრობლემებზეც აკეთებდნენ აქცენტს.

"ჯორჯ ორუელი. 1984"

ფოტო: TVRAIN

"თავისუფლება პოლიტპატიმრებს! ისინი ციხეში არ უნდა იჯდნენ!"

ფოტო: TVRAIN

"პუტინ-ზღაპრული... აზრის ქონა დანაშაული არ არის!"

ფოტო: TVRAIN

"განდევნე დემონი"

ფოტო: TVRAIN

ეს პირველი მასშტაბური აქციაა, რომელიც მოსკოვის დუმის არჩევნების შემდეგ გაიმართა. თავდაპირველად აქციები სწორედ სამართლიანი არჩევნების მოთხოვნით დაიწყო. რუსეთის ხელისუფლება ოპოზიციას აქციების გამართვის უფლებას არ აძლევდა და არასანქცირებულ მიტინგზე დასწრების მიზეზით აკავებდა ოპოზიციონერ პოლიტიკოსებსა და ათასობით მოქალაქეს.

27 ივლისს აქციაზე ისევ დააკავეს დემონსტრანტები. ამჯერად მათ არამხოლოდ დაუმორჩილებლობას, არამედ პოლიციელების შეურაცხოფას ედავებიან. სწორედ მათ უწოდებენ "მოსკოვის საქმის" ფიგურანტებს.