რუსთაველის გამზირზე #სირცხვილიას კონტრაქციის სამი წევრი დააკავეს. ამის შესახებ On.ge-ს შინაგან საქმეთა სამინისტროში უთხრეს. დაკავებულებს შორის ერთ-ერთი პატრიოტთა ალიანსის წევრი, ბეჟან გუნავაა.

უწყების ცნობით, ისინი ადმინისტრაციული წესით არიან დაკავებულები.

დღეს, 8 სექტემბერს, დაახლოებით საღამოს შვიდ საათზე რუსთაველის გამზირზე, სადაც აქცია #სირცხვილია მიმდინარეობდა, აგრესიულად განწყობილი პირები მივიდნენ. ისინი შეურაცხყოფას აყენებდნენ აქციის მონაწილეებს. მათ პოლიციის კორდონის გარღვევა სცადეს, რასაც მცირე დაპირისპირება მოჰყვა. პოლიციამ ისინი ტერიტორიიდან გაიყვანა. რამდენიმე კი დააკავა.