დიღმის ტყე-პარკში დღეს, 7 სექტემბერს აქცია გაიმართა. აქციის მონაწილეებმა მშენებლობა გააპროტესტეს და მიწის სათხრელ ბურღზე სიმბოლურად ხე "დარგეს".

"აქ არის ხის ადგილი და არა — ბურღის. დიღმის ტყე-პარკში რესტორნის ადგილი არ არის, დიღმის ტყე-პარკს აღარ აქვს დასაკარგი ადგილი. აქ იქნება ტყე-პარკი, როგორც იყო რამდენიმე წლის წინ", — თქვა აქციის ერთ ერთმა მონაწილემ, რომელმაც ბურღზე ხე "დარგო".

დიღმის ტყე-პარკში აქტივისტების ნაწილმა კარვები მას შემდეგ გაშალეს, რაც იქ სამშენებლო კომპანია ანაგმა სამშენებლო ტექნიკა შეიყვანა და სამუშაოები დაიწყო. აქტივისტები მშენებლობის შესაჩერებლად ერთმანეთს ენაცვლებიან კარვებში.