Just Mercy ძლიერ და პროვოკაციულ ნამდვილ ამბავზეა დაფუძნებული. ფილმის მთავარი გმირი ახალგაზრდა იურისტი ბრაიან სტივენსონია (ჯორდანი), რომელიც სამართლიანობისთვის იბრძვის. ჰარვარდის დამთავრების შემდეგ, მას შეეძლო მომგებიანი საქმეები აერჩია, თუმცა ამ ყველაფრის ნაცვლად ის ალაბამაში მიემართება, რათა უკანონოდ დაჭერილი ვოლტერ მაკმილიანი (ფოქსი) დაიცვას. ამ ყველაფერში მას ადგილობრივი ადვოკატი ევა ენსლი (ლარსონი) ეხმარება.

1987 წელს ვოლტერ მაკმილიანს ბრალად 18 წლის გოგონას მკვლელობა ედებოდა, იმის მიუხედავად, რომ მისი გამამართლებელი მტკიცებულებები არსებობდა, მის წინააღდეგ არსებული ერთადერთი სამხილი კი კრიმინალის მიცემული ცრუ ჩვენება იყო, მას სიკვდილით დასჯა მიუსაჯეს. ეს ამბავი ამ პერიოდში საკმაოდ გახმაურებული იყო.

ამ საქმეზე მუშაობის შემდეგ ბრაიანი პოლიტიკურ და იურიდიულ დინებებში ექცევა, ხდება რასიზმის მსხვერპლი იმიტომ, რომ ვოლტერს და მის მსგავს ადამიანებს იცავს, სისტემასთან უთანხმოება აქვს და ამ ყველაფრის წინააღმდეგ იბრძვის კიდეც.

ფილმის პრემიერა 2020 წლის 10 იანვარს არის დაგეგმილი.