ენმ-ს წევრი, რომან გოცირიძე წინასაარჩევნოდ ეროვნულ ბანკის მიერ განხორციელებულ პოლიტიკას არასწორად მიიჩნევს და განმარტავს, რომ ბანკი ინტერვენციას მთავრობის მოთხოვნით ახორციელებს იმისათვის, რომ წინასაარჩევნოდ მოსახლეობის განწყობა არ იყოს ნეგატიური:

"რუსეთში, საბერძნეთში, საიდანაც უცხოური ვალუტის გადმორიცხვა ხდება დიდი რაოდენობით, სომხეთში, აზერბაიჯანში, თურქეთში, ყველგან დასტაბილურია ვითარება. ერთადერთი არის საქართველო, სადაც ვერა და ვერ მიაღწია ხელისუფლებამ ლარის სტაბილურობას. ეს გამოწვეულია იმ ეკონომიკური პოლიტიკით და იმ შეცდომებით, რომელსაც ხელისუფლება მრავალი წლის განმავლობაში ჩადიოდა და რომელსაც აგრძელებს დღესაც. ბიუჯეტი ტრადიციულად არათანმიმდევრულად სრულდება, 9 თვის შესრულების ანგარიშში ჩამორჩენაა შემოსავლებში, ძირითადად უცხოური გრანტებისა და კრედიტების სახით, ხოლო დაახლოებით 300 მილიონი ლარით არის ჩამორჩენა ხარჯებში".