ქართული ოცნების ყვარლის მაჟორიტარი დეპუტატობის კანდიდატი, ირაკლი სესიაშვილი მიიჩნევს, რომ ნაციონალურ მოძრაობას ბევრი მხარდამჭერი არ ჰყავს და მათი მხრიდან მხარდამჭერების დიდ რაოდენობაზე საუბარი, ბლეფია. ამის შესახებ სესიაშვილმა გაზეთ ახალ თაობასთან ინტერვიუში ისაუბრა. კითხვას, თუ როგორ ახერხებენ ისინი მთავარი ოპოზიციური ძალის სტატუსის შენარჩუნებას, სესიაშვილი პასუხობს:

"ეს არის ის მხარდამჭერები, რომლებსაც წლების განმავლობაში აჭმევდნენ და ასმევდნენ. ამის გარდა, მათ რესურსი არ აქვთ. მინიმუმ რაც შეიძლება ნაციონალურმა მოძრაობამ არჩევნებზე გააკეთოს, არის ის, რომ მისი ცნობილი მხარდამჭერები შეინარჩუნოს, თუ რასაკვირველია, მათაც არ დაეზარათ არჩევნებზე წასვლა".

ირაკლი სესიაშვილის თქმით, ნაციონალური მოძრაობის განახლებაზეც საუბარი სიცრუეა და მათ არანაირი რესურსი არ გააჩნიათ გარდა რუსთავი 2-სა, რომელსაც, მისი თქმით, სიცრუის ტირაჟირებისთვის იყენებენ.

სესიაშვილი დარწმუნებულია, რომ 8 ოქტომბერს ქართული ოცნება დამაჯერებლად გაიმარჯვებს.