"მე გავრილოვი არ ვარ", — ამ სლოგანით საქართველოში მყოფი რუსეთის მოქალაქეები პარლამენტთან სოლიდარობის აქციას გამართავენ. ღონისძიების ორგანიზატორი ორგანიზაცია სასაზღვრო ზონაა. აქცია 9 ივლისს, 2 საათზე პარლამენტთან გაიმართება.

"დაიღალე პუტინისგან? დაისვენე საქართველოში", — წერია ფეისბუქივენთის დახასიათებაში, სადაც რუსულენოვანი პირები წერენ, რომ მათ უყვართ საქართველო. აქციის ერთ-ერთი მთავარი მესიჯია ისიც, რომ რუსეთის მოქალაქეები აღიარებენ საქართველოს ტერიტორიების ოკუპაციას და მხარს უჭერენ ქვეყნის ტერიტორიულ მთლიანობას.

პარლამენტთან ანტიოკუპაციური აქცია #სირცხვილია უკვე 16 დღეა მიმდინარეობს. პროტესტი საქართველოში რუსეთის დუმის კომუნისტი დეპუტატის, სერგეი გავრილოვის ვიზიტსა და პარლამენტის სავარძელში დაჯდომას მოყვა. ამის გასაპროტესტებლად პარლამენტთან აქცია გაიმართა, რომელიც პოლიციასთან დაპირისპირებაში გადაიზარდა. 20-21 ივნისის ღამეს სპეცრაზმმა აქცია ძალის გადამეტებით დაშალა. შედეგად დაშავდა ასეულობით და დასახიჩრდა ათეულობით ადამიანი. მეორე დღიდან დემონსტრანტები შს მინისტრის პასუხისმგებლობის გადაყენებას ითხოვენ, თუმცა ის გადადგომაზე უარს ამბობს, რასაც მმართველი გუნდიც უჭერს მხარს.