პარლამენტის დეპუტატი, ნიკა მელია თბილისის საქალაქო სასამართლოში მივიდა. ამ სხდომაზე გადაწყდება მისი დაპატიმრების საკითხი.

"რთული იქნება ჩემი დაკავება, მტკიცებულებები არ არსებობს. [რის გამო უნდა დამაკავონ] გავრილოვის გამო?" — განაცხადა მელიამ.

მისი ადვოკატი ამბობს, რომ მოსამართლე დღეს ამ გადაწყვეტილებით წერს ისტორიას.

პროკურატურა ნიკა მელიას დაკავებას 20 ივნისის ღამეს მომხდარი ინციდენტის ფარგლებში, ჯგუფური ძალადობის ორგანიზების ბრალდებით, აპირებს. ამ დღეს რუსი დეპუტატი პარლამენტის შენობაში პარლამენტის თავმჯდომარის სავარძელზე დაჯდა, რაც რამდენიმე ათასმა ადამიანმა რუსთაველის გამზირზე გააპროტესტა. ამავე დღეს, გვიან ღამით შინაგან საქმეთა სამინისტრომ აქციის მონაწილეების დაშლა დაიწყო და დააზიანა რამდენიმე ათეული ადამიანი, რომელთაგანაც ორმა სპეცრაზმელის ნასროლი ტყვიით თვალი დაკარგა.