ე.წ. მოლოტოვის კოქტეილის დამზადების საქმეზე 20 ივნისის მოვლენების შემდეგ დაკავებულ გიორგი წიქარიძეს აღკვეთის ღონისძიების სახით პატიმრობა შეეფარდა. საქალაქო სასამართლომ გადაწყვეტილება დღეს, 23 ივნისს გამოაცხადა.

შინაგან საქმეთა სამინისტროს განცხადებით, ბრალდებული გიორგი წიქარიძე მაშინ დააკავეს, როცა ის ასაფეთქებელი მასალების პარლამენტის წინ მიმდინარე აქციაზე გამოყენებას გეგმავდა. პროკურორის თქმით, არსებობს აუდიომტკიცებულება და ასევე ნივთმტკიცებულებები. ბრალდებულის ადვოკატის ტელეკომპანია რუსთავი 2-თან საუბარში აცხადებს, რომ საქმეში ფიგურირებს მოწმე გოჩა კოკაია, რომელიც, ოპერატიული მასალების მიხედვით, ფაქტის თანამონაწილეა.

პროკურორი ჟურნალისტებთან საუბრისას ადასტურებს, რომ ბრალდებულს აქვს დანაშაულებრივი კავშირი სხვა პირთან და არსებობს აუდიოჩანაწერიც. ამასთან, პროკურორი იმეორებს, რომ სხვა პირის ბრალეულობის დასადასტურებლად "მიმდინარეობს გამოძიება მტკიცებულებების მოსაპროვებლად".

გიორგი წიქარიძის ჯგუფური ძალადობის ორგანიზების მუხლით მიმდინარე გამოძიების ფარგლებში დააკავეს.