სხვადასხვა ევროპული ორგანიზაციები, მათ შორის გაეროსა და ევროკავშირის წარმომადგენლობა და საელჩოების ნაწილი პრაიდის გადადებასთან დაკავშირებით განცხადებას ავრცელებენ. მათი თქმით, უსაფრთხოებასთან დაკავშირებული რისკების გათვალისწინებით ლგბტი+ თემის გადაწყვეტილება გამართლებული და დასაფასებელია.

"ამავდროულად კიდევ ერთხელ ვადასტურებთ ჩვენს მიერ 2019 წლის 17 მაისს გავრცელებულ განცხადებას, რომელმაც მოუწოდა პასუხისმგებელ მხარეებს შეთანხმებულად გამოეყენებინათ მათ ხელში არსებული ყველა ბერკეტი დისკრიმინაციისა და ძალადობის აღმოსაფხვრელად, რასაც ლგბტ+ თემი განიცდის", — წერია განცხადებაში.

განცხადებას ხელს აწერენ:

  • გაერო სქართველოში;
  • ევროკავშირის წარმომადგენლობა საქართველოში ავსტრიის საელჩო საქართველოში;
  • აშშ საელჩო საქართველოში;
  • გაერთიანებული სამეფოს საელჩო საქართველოში გერმანიის საელჩო საქართველოში;
  • ნიდერლანდების სამეფოს საელჩო საქართველოში;
  • საფრანგეთის საელჩო საქართველოში;
  • შვედეთის საელჩო საქართველოში.

თბილისში განვითარებული მოვლენების გამო ღირსების მარში დროებით გადაიდო. ამის შესახებ პრაიდის გუნდმა განცხადება გაავრცელა.

"რუსთაველის გამზირზე განვითარებული პროცესებისა და არსებული დაძაბული პოლიტიკური ვითარებიდან გამომდინარე, თბილისი პრაიდის გუნდმა გადავწყვიტეთ, რამოდინიმე დღით გადავდოთ კვირეულის ფარგლებში დაგეგმილი ღირსების მარში. მსვლელობაში მონაწილეთა რეგისტრაცია გრძელდება და ღონისძიების ახალ თარიღს რეგისტრირებულ ადამიანებს ვითარების განმუხტვის შემდეგ გავაცნობთ", — ნათქვამია განცხადებაში.