საქართველოს მთავრობა სარეკლამო ვიდეორგოლებს რუსულ სახელისუფლებო ტელევიზია RUSSIA 1-ზე ათავსებდა. მთავრობის 2018-2020 წლის სამოქმედო გეგმის შესრულების ანგარიშშია განმარტებულია, რომ მიზანი ქვეყნის ტურისტული პოტენციალის პოპულარიზაციაა.

ანგარიშს მიხედვით, მთავრობამ ვიდეორგოლები დაარეკლამა შემდეგ არხებზე: RUSSIA 1, 1+1, POLSAT, RESHET 13, Bloomberg. ასევე, განათავსა რეკლამა BBC-სა და CNN-ზე.

RUSSIA 1 პროპაგანდისტული შინაარსის ტელევიზიაა. აგვისტოს ომის 10 წლისთავზე მათ სიუჟეტი მოამზადეს, რომელშიც აღნიშნული იყო, რომ საქართველომ სამშვიდობო შეთანხმება დაარღვია და ქართული ჯარი მშვიდობიან, მძინარე მოსახლეობას დაესხა თავს. მათი განცხადებით, რუსი მშვიდობისმყოფელი ჯარისკაცები უმცირესობაში იყვნენ და ისე უწევდათ ოსი მოსახლეობის დაცვა "ქართული ჯარების აგრესიისგან".

ამავე ტელევიზიამ მოამზადა სიუჟეტი იმაზე, რომ საქართველოში რუსული ენა ყველაზე მოთხოვნადია და ტურისტული ეკონომიკა ძირითადად რუსეთიდან შემოსულ სტუმრებზე დგას. სიუჟეტის ავტორი ამბობდა, "მილიონობით შემოსული ტურისტიდან უმეტესობა ჩვენს ენაზე საუბრობს" და "ძველი თბილისის კვადრატულ მეტრებს ძირითადად ჩვენი ხალხი ყიდულობს".