ქართული ოცნების დეპუტატმა, გია ვოსლკიმ განაცხადა, რომ დღეს, 31 მაისს ინტერპელაციის ფორმატით პრემიერის მოსმენისსას დარბაზის "შაპიტოდ გადაქცევის" მცდელობა იყო. მისი თქმით, ოპოზიციის "ხეპრულ გამოხტომებს" პასუხს ვერ გასცემს.

ვოლსკიმ აღნიშნა, რომ პრემიერისგან საინტერესო პასუხები მიიღეს. მისივე თქმით, ივნისში მომდევნო მოსმენისას უფრო ფართო მსჯელობის შესაძლებლობა ექნებათ.

პარლამენტში პრემიერ-მინისტრ მამუკა ბახტაძეს ინტერპელაციის ფორმატში უსმენდნენ. პლენარული სხდომა ხმაურისა და კამათის ფონზე წარიმართა. პრემიერის პასუხების გარდა დეპუტატების უკმაყოფილების მიზეზი გახდა რეგლამენტიც.