პრემიერ-მინისტრის, მამუკა ბახტაძის განცხადებით, საქართველოში ოჯახს და ოჯახურ ფასეულობებს ყოველთვის ყველაზე მნიშვნელოვანი როლი ჰქონდა. ამის შესახებ ბახტაძემ "ოჯახის სიწმინდის დღესთან" დაკავშირებით განაცხადა.

მისივე თქმით, "ეს ასე იყო, დღესაც ასეა და მომავალშიც ასე იქნება". მისივე განცხადებით, საქართველოში ნებისმიერი მოქალაქის უფლება კანონითაა დაცული.

17 მაისი ჰომოფობიასთან და ტრანსფობიასთან ბრძოლის საერთაშორისო დღეა. 2013 წლის 17 მაისს ძალადობრივმა ჯგუფებმა, მათ შორის ანაფორით შემოსილმა პირებმა მშვიდობიანი აქცია დაარბიეს. ამის შემდეგ საქართველოს მართლმადიდებელი ეკლესიის პატრიარქმა, ილია მეორემ 2014 წელს ეს დღე "ოჯახის სიწმინდის დღედ" გამოაცხადა.