ვალერი გელაშვილის ცემის ფაქტზე, სასამართლომ შინაგან საქმეთა ყოფილი მინისტრი ვანო მერაბიშვილი, სპეციალური ოპერატიული დეპარტამენტის ყოფილი ხელმძღვანელი ერეკლე კოდუა და ამავე დეპარტამენტის სამმართველოს ყოფილი უფროსი, გია სირაძე დამნაშავედ ცნო. დაცვის მხარე განაჩენის გასაჩივრებას გეგმავს.

მერაბიშვილი მისთვის წაყენებულ ორივე ბრალდებაზე გაამტყუნეს და თავისუფლების აღკვეთა 6 წლითა და 9 თვით შეუფარდეს. ამასთან, სამივე წაყენებულ ბრალდებაში გაამტყუნეს ერეკლე კოდუაც და თავისუფლების აღკვეთა 9 წლით შეუფარდეს. 9 წლიანი პატიმრობა შეუფარდეს გია სირაძესაც.

2005 წელს მომხდარი შეიარაღებული თავდასხმის და ცემის საქმეზე, საქართველოს ყოფილ პრეზიდენტს მიხეილ სააკაშვილს, შინაგან საქმეთა ყოფილ მინისტრს, ვანო მერაბიშვილს, სპეციალური ოპერატიული დეპარტამენტის ყოფილ უფროსს, ერეკლე კოდუასა და ამავე დეპარტამენტის სამმართველოს ყოფილ უფროსს, გია სირაძეს პარლამენტის წევრის, ვალერი გელაშვილის ცემის ფაქტზე ბრალი 2014 წელს წაუყენეს.