Saudia Airlines-ის სამგზავრო ბოინგ 777-ის პილოტმა ფილიპინებში, მანილას საერთაშორისო აეროპორტში დაშვებამდე 20 წუთით ადრე ავიადისპეჩერებს შეტყობინება გაუგზავნა, რომ თვითმფრინავი საფრთხის ქვეშ იყო და არსებობდა მისი გატაცების შესაძლებლობა.

მანილას აეროპორტში გამოცხადდა საგანგებო მდგომარეობა. თვითმფრინავში, რომელშიც მგზავრების უცნობი რაოდენობა იმყოფება, დაახლოებით 2 საათია იზოლირებულია და გარშემორტყმულია სამართალდამცავებით. ადგილობრივი მედიის ცნობით, ადგილზე იმყოფებიან Saudia Airlines-ის წარმომადგენლები.

ავიაკომპანიამ რამდენიმე წუთის წინ ტვიტერზე დაწერა, რომ შეტყობინება ბოინგ 777-ის გატაცების შესახებ, ცრუ აღმოჩნდა.

Saudia Airlines-ის სამგზავრო ბოინგ 777რეგულარულ რეისს ასრულებდა ჯედადან მანილას მიმართულებით.