პარლამენტის დარგობრივი ეკონომიკის კომიტეტის თავმჯდომარემ, რომან კაკულიამ ეკონომიკის მინისტრის შესაძლო გადადგომის შესახებ ინფორმაციაზე კომენტარისას აღნიშნა, რომ გიორგი ქობულია "ცოტა უცნაური ადამიანია".

"მე ვერ ვიტყოდი, რომ უარყოფითად ვაფასებ... არ იცოდა, ალბათ, ზუსტად ის მიდგომები, რაც საქართველოში იყო", — ამბობს რომან კაკულია და აღნიშნავს იმასაც, რომ გიორგი ქობულიამ საქართველოს ეკონომიკური მდგომარეობა ადეკვატურად ვერ აღიქვა.

დღეს, 18 აპრილს გავრცელდა ინფორმაცია, რომ ეკონომიკის მინისტრი, გიორგი ქობულია თანამდებობას დატოვებს. ამის შესახებ ცნობა ტელეკომპანია იმედმა გაავრცელა.

გიორგი ქობულია მამუკა ბახტაძემ ამ თანამდებობაზე 12 ივლისს წარადგინა.