დღეს, 8 აპრილის რიგგარეშე სხდომაზე საქართველოს პარლამენტმა მესამე მოსმენით, უკვე მეორე ცდაზე დაუჭირა მხარი კანონპროექტს საგამოცდო რეფორმის შესახებ. ამ კანონით სკოლებში გამოსაშვები გამოცდები უნდა გაუქმდეს. კანონპროექტს 80-მა დეპუტატმა დაუჭირა მხარი, 8 კი წინააღმდეგი იყო. რეფორმის მისაღებად მინიმუმ 56 დეპუტატის ხმა იყო საჭირო.

ფოტო: ფოტო ვიდეოდან

5 აპრილის კენჭისყრაზე განათლების სამინისტროს დაჩქარებული წესით გატანილი კანონპროექტი დეპუტატებმა ჩააგდეს, მიზეზად კი "ხმაურში საკითხის ვერგაგება" დაასახელეს. მაშინ პროექტს მხარი მხოლოდ 54-მა დეპუტატმა დაუჭირა, კანონის მისაღებად 63 დეპუტატის მხარდაჭერა იყო საჭირო.

მოგვიანებით, ქართული ოცნების დეპუტატმა განაცხადა, რომ ხმაურის გამო კანონპროექტის დასახელება ვერ გაიგო და დამატებითი კენჭშისყრის ჩატარება ითხოვა.