პარიზში ნოტრ-დამის ეკლესიის მახლობლად ნაპოვნი გაზის ბალონებით სავსე მანქანასთან კავშირის ბრალდებით 3 ქალი დააკავეს. დაკავებისას ერთი პოლიციელი დაიჭრა. ინფორმაციას BBC ავრცელებს.

ორმხრივი სროლის დროს დაიჭრა ერთ-ერთი ბრალდებული ქალიც. ოფიციალური პირების განცხადებით, დაკავებულები რადიკალური დაჯგუფებას წარმოადგენდნენ და მოულოდნელი თავდასხმისთვის ემზადებოდნენ.

2015 წლის ნოემბერში პარიზში ე.წ. ისლამური სახელმწიფოს მიერ განხორციელებულ თავდასხმებს 130 ადამიანი ემსხვერპლა, რის შემდეგაც საფრანგეთში საგანგებო მდგომარეობაა გამოცხადებული.

პოლიციის თქმით, მანქანაში, რომელიც გაზის ბალონებით იყო დატვირთული, არაბულ ენაზე დაწერილი დოკუმენტებიც აღმოაჩინეს.

დაკავებული ქალები 39, 23 და 19 წლის არიან. პოლიცია მათ ფანატიკოსებად და ძალადობრივი ქმედებებისთვის მომზადებულ პირებად აფასებს.

დაკავებულია მანქანის მეპატრონეც. ფრანგული მედიის ცნობით, ის დაზვერვის ყურადღების ქვეშ იყო. დაკავებული ქალიდან ერთ-ერთი მისი შვილია.