პრეზიდენტ გიორგი მარგველაშვილის განცხადებით, ქართულმა ოცნებამ 2016 წელს დაუშვა იდეოლოგიური შეცდომა და ქართველ ამომრჩეველს მუდმივად აშანტაჟებს. მისივე თქმით, მმართველმა გუნდმა მესამე ძალის შექმნის შესაძლებლობა გააქრო, რითაც ნაციონალური მოძრაობა გააძლიერდა.

მისივე თქმით, დაინგრა "კლიშე", რომლითაც ქართული ოცნება ხალხს მუდმივად ერთიანი ნაციონალური მოძრაობისგან დამცველად ევლინებოდა.

"არ შეიძლებ ექვსი წელიწადი ფაქტობრივად შენს ამომრჩეველს აშანტაჟებდე. არ შეიძლება შენს ამომრჩეველს ამადლიდე იმას, რაც მან გააკეთა. ბოლოს ეს ამომრჩეველი, რომელიც ნაციონალებს ვერ უნდა მოემატებითან, ხუთასის [ათასი ხმის] იქით არ უნდა წასულიყვნენ, დღეს რვაასი [ათასი] დადეს. ეს სამასი ათასი საიდან არის მოსული? ამაშია საქმე", — აღნიშნა მარგველაშვილმა.

კავკასიის უნივერსიტეტში სტუდენტებთან შეხვედრის დროს გიორგი მარგველაშვილმა განაცხადა, რომ პოლიტიკური სპექტრი ნაციონალური მოძრაობის ირგვლივ ერთიანდება. მისივე თქმით, 2016 წელს "დაშვებული იდეოლოგიური შეცდომის გამო" ახლო მომავალში მესამე ძალა ვერ ჩამოყალიბდება.

ამავე თემაზე: