არასამთავრობო ორგანიზაცია სამართლიანი არჩევნების პარალელური დათვლის (PVT) შედეგების მიხედვით, ქართული ოცნების მიერ მხარდაჭერილმა საპრეზიდენტო კანდიდატმა, სალომე ზურაბიშვილმა მიიღო 59,1 პროცენტი, ხოლო გაერთიანებული ოპოზიციის კანდიდატმა, გრიგოლ ვაშაძემ — 40,9 პროცენტი.

გარდა ამისა ორგანიზაციაში აცხადებენ, რომ არჩევნების დღეს, 28 ნოემბერს მათ საუბნო კომისიებში წარადგინეს 53 საჩივარი, ხოლო საოლქო კომისიებში — 76 საჩივარი.

ცენტრალურ საარჩევნო კომისიას ამ დროისთვის [10:09] დათვლილი აქვს ხმების 99,92 პროცენტი. პირველადი მონაცემებით, სალომე ზურაბიშვილმა ხმების 59,54 პროცენტი, ხოლო გრიგოლ ვაშაძემ ხმების 40,46 პროცენტი მიიღო.

ორი ეგზიტპოლის შედეგები

რუსთავი 2-ისა და იმედის ეგზიტპოლებით საპრეზიდენტო არჩევნებს მმართველი გუნდის მიერ მხარდაჭერილი კანდიდატი სალომე ზურაბიშვილი იგებს. იმედის შედეგებით, საპრეზიდენტო არჩევნებში მმართველი გუნდის მიერ მხარდაჭერილ კანდიდატს, სალომე ზურაბიშვილს ხმების 58 პროცენტი აქვს. გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ კი კი ხმების 42 პროცენტი მიიღო.

რუსთავი 2-ის ეგზიტპოლის შედეგების მიხედვით, საპრეზიდენტო არჩევნებში მმართველი გუნდის მიერ მხარდაჭერილი კანდიდატი, სალომე ზურაბიშვილი 55 პროცენტით იგებს. გაერთიანებული ოპოზიციის პრეზიდენტობის კანდიდატმა კი ხმების 45 პროცენტი მიიღო. რუსთავი 2-მა ედისონ რისერჩის ეგზიტპოლის 17:00 საათის მონაცემები გამოაქვეყნა.

ამავე თემაზე: