აუდიტის სახელმწიფო სამსახური უკანონო შემოწირულობისთვის ლაშა ცუცქირიძის, იგივე "კაას" დაჯარიმებას ითხოვს. ცუცქირიძის მიერ შეწირული თანხის წარმომავლობა ვერ დაასაბუთა.

როგორც სამსახურის ანგარიშში ვკითხულობთ, ცუცქირიძემ ნაციონალურ მოძრაობას 10 000 ლარი 10 ოქტომბერს გადაურიცხა. აუდიტმა უკვე სთხოვა თბილისის საქალაქო სასამართლოს, რომ ცუცქირიძე ორმაგი ოდენობის თანხით დაჯარიმდეს.

ლაშა ცუცქირიძე ხორავას ქუჩის საპროტესტო აქციების აქტიური მონაწილე იყო. ის ცნობილი მას შემდეგ გახდა, რაც ზვიად კუპრავას სიტყვით გამოსვლის დროს "კაა" დაიყვირა.

გარდა ამისა, უკანონო შემოწირულობად არის მიჩნეული ნიკოლო დალაქიშვილის მიერ ევროპული საქართველოს სასარგებლოდ გადარიცხული 2 000 ლარი.

ამასთანავე, აუდიტის სამსახურმა შეისწავლა ჩაჩავასა და ღუდუშაურის კლინიკების თანამშრომლების მიერ სალომე ზურაბიშვილისთვის გადარიცხული თანხები. აღნიშნულთან დაკავშირებით სამსახურმა გასაუბრებაზე მოიწვია 4 ფიზიკური პირი, რომელთაგან 2-მა ფიზიკურმა პირმა წარმოადგინა შემოსავლების დამადასტურებელი ინფორმაცია, ხოლო 2 ფიზიკური პირის მოწვევა იგეგმება ალტერნატიული მისამართების გამოყენებით.

ამავე თემაზე: