ცოლის ძმის მკვლელობისთვის თბილისის საქალაქო სასამართლომ პირს 7-წლიანი პატიმრობა მიუსაჯა.

პროკურატურის ინფორმაციით, 2018 წლის 12 აპრილს ღამის საათებში, ნასვამ მდგომარეობაში მყოფმა კაცმა ურთიერთშელაპარაკების ნიადაგზე ცოლის ძმას სანადირო თოფიდან ესროლა და ორივე ფეხში სიცოცხლისთვის საშიში დაზიანებები მიაყენა. სამედიცინო დახმარების მიუხედავად დაჭრილი გარდაიცვალა.

ბრალდებული მეორე დღეს, 13 აპრილს ე.წ. წითელი ხიდის სასაზღვრო გამშვებ პუნქტთან მაშინ დააკავეს, როდესაც ის საქართველოს საზღვრის გადაკვეთას ცდილობდა. მას ბრალდება სისხლის სამართლის კოდექსის 111, 117-ე მუხლის მე-2 ნაწილით (ჯანმრთელობის განზრახ მძიმე დაზიანება, რამაც გამოიწვია სიცოცხლის მოსპობა, ჩადენილი ოჯახის წევრის მიმართ) წაუყენეს და აღკვეთის ღონისძიების სახით პატიმრობა შეეფარდა.