მსოფლიოს 23-ე ჩოგანმა, ნიკოლოზ ბასილაშვილმა შანხაის მასტერი გამარჯვებით დაიწყო. ბასილაშვილმა 2 სეტში სძლია კანადელ დენის შაპოვალოვს.

თამაში 58 წუთი გაგრძელდა. ორივე სეტი ანგარიშით 6:2, 6:2 დასრულდა. ხვალ, 10 ოქტომბერს ბასილაშვილი გერმანელ ალექსანდ ზვერევს შეხვდება.

7 ოქტომბერს, ნიკოლოზ ბასილაშვილმა China Open-ის ფინალში მსოფლიოს მეოთხე ჩოგანი, ხუან მარტინ დელ პოტრო დაამარცხა და ჩემპიონის ტიტული მოიპოვა. ამ გამარჯვებამდე ბასილაშვილი მსოფლიოს 34-ე ჩოგანი იყო, ახლა კი 1757 ქულით 23-ე პოზიციაზე გადაინაცვლა.