რუსთავში, მარის არხის დასახლებაში წიწილების ინკუპატორში ხანძარი გაჩნდა. დამწვარია 3 000 წიწილა და 600მ2 ფართობის ტერიტორია.

საგანგებო სიტუაციების მართვის სამსახურის ცნობით, ძლიერი ხანძრის გამო არსებობდა ცეცხლის გავრცელების საშიშროება საცხოვრებელ სახლსა და სათავსოზე, თუმცა მეხანძრე-მაშველების მიერ ხანძარი დროულად იქნა ლოკალიზებული.

ამ დროისთვის ხანძარი ლიკვიდირებულია.