საქართველოს პროკურატურის გენერალურმა ინსპექციამ დიდი ოდენობით ფულის თაღლითურად დაუფლების ბრალდებით ერთი პირი დააკავა.

გამოძიების ვერსიით, 2018 წლის აპრილიდან ივნისის თვემდე პერიოდში, აღნიშნულმა პირმა ერთ-ერთი ბრალდებულის ოჯახის წევრები დაარწმუნა, თითქოს ახლო ურთიერთობაში იყო პროკურატურის ხელმძღვანელ თანამდებობის პირებთან და 13 000 ლარის სანაცვლოდ, ბრალდებულს საპროცესო შეთანხმებას დაპირდა. პროკურატურის ცნობით, დაზარალებულებმა მას თანხა სრულად გადაუხადეს.

საქმეზე გრძელდება გამოძიება საქართველოს სისხლის სამართლის კოდექსის 180-ე მუხლის მე-3 ნაწილის ბ ქვეპუნქტით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.