ქართული ოცნების თავმჯდომარემ, პრემიერინისტრმა გიორგი კვირიკაშვილმა დღეს რუსთავში შიდა ქართლის მაჟორიტარი დეპუტატების კანდიდატები წარადგინა.

ქართული ოცნება-დემოკრატიული საქართველოს რუსთავის 29-ე ოლქის მაჟორიტარი დეპუტატობის კანდიდატია პაატა მხეიძე, 30-ე ოლქში კი - გიორგი ბეგაძე. წალკასა და დმანისში ქართულ ოცნებას წარმოადგენს კახა ოქრიაშვილი, ბოლნისში გოგა მეშველიანია, გარდაბანში სავალან მირზოევი, თეთრიწყაროში გოდერძი ჩანქსელიანი, მარნეულის 35-ე ოლქში რუსლან გაჯიევი, ხოლო მარნეულის 36-ე ოლქში თამაზ ნავერიანი.

გიორგი კვირიკაშვილმა სიტყვით გამოსვლისას რუსთავის საინჟინრო და სამრეწველო პოტენციალზე გაამახვილა ყურადღება და იმედი გამოთქვა, რომ რუსთავი დაიბრუნებს თავის მნიშვნელობას, თავის როლს და ეს იქნება უკვე თანამედროვეობას მორგებული ქალაქი დიდი თუ მცირე საწარმოებით; კიდევ უფრო განვითარებული ინფრასტრუქტურით, რომელიც წვლილს შეიტანს მთელი ქვეყნის ეკონომიკის აღმავლობაში.

კვირიკაშვილის გარდა, ამომრჩეველს კახა კალაძემაც მიმართა. მისი თქმით, ქართული ოცნება დღეს ერთადერთი სამართლიანი პოლიტიკური ძალაა, რომელიც ხალხის კეთილდღეობაზე რეალურად ზრუნავს.