უკრაინული მოძრაობის Femen-ის აქტივისტი, ოქსანა შაჩკო პარიზის ბინაში გარდაცვლილი იპოვეს. ამის შესახებ ინფორმაცია გამოცემა Guardian-მა გაავრცელა.

წინასწარი ვერსიით, მან თავი მოიკლა. შაჩკოს ოჯახი და ახლობლები პოლიციის ოფიციალურ დასკვნას ელოდებიან. 23 ივლისს ოქსანა შაჩკოს ცხედართან ერთად ბინაში აღმოაჩინეს ინგლისურად დაწერილი ბარათი სიტყვებით: "you are all fake" (ყველანი ფეიკი ხართ.) რამდენიმე დღის წინ შაჩკომ ეს სიტყვები გამოაქვეყნა Instagram-ზეც.

ოქსანა შაჩკო ბოლოს ცოცხალი ნახეს 20 ივლისს ნახეს. ფრანგული მედიასაშუალებები ოქსანა შაჩკოს ნაცნობებზე დაყრდნობით წერენ, რომ ბოლო ორ წელიწადში მან თვითმკვლელობა ორჯერ სცადა.

2008 წელს დაარსებული მოძრაობა Femen-ი უკრაინასა და მსოფლიოს სხვა ქვეყნებში ცნობილია თავისი აქცია-პერფორმანსებით ქალთა უფლებების დასაცავად და ქალების სექსუალური ექსპლუატაციის წინააღმდეგ. შაჩკო ერთ-ერთია იმ ოთხი ფემინისტი აქტივისტიდან, რომელმაც უკრაინაში ეს მოძრაობა დააარსა.

ორგანიზაცია Femen-მა მალევე მიიპყრო მსოფლიოს ყურადღება სექსიზმის წინააღმდეგ მკერდის დემონტრირების აქციებით. ისინი აპროტესტებენ ავტორიტარიზმს, რასიზმს, რუსეთის პრეზიდენტს, პუტინს. მათი სამიზნე საფრანგეთის მემარჯვენე ნაციონალური ფრთაა. ბოლო წლებში, ჯგუფი დაიყო და მათ წინააღმდეგ სამართალწარმოება დაიწყო.

2011 წელს ორანიზაცია Femen-მა განაცხადა, რომ შაჩკო სამ აქტივისტთან ერთად უსაფრთხოების აგენტებმა გაიტაცეს და აიძულებდნენ ეცეკვათ შიშვლებს ტყეში, მას შემდეგ, რაც ბელარუსიის პრეზიდენტის ალექსანდრე ლუგაშენკოს წინააღმდეგ საპროტესტო აქცია გამართეს. ფემენის წარმომადგენლების თქმით, აგენტებმა გატაცებულ ქალებს ზეთი დაასხეს, თმა შეჭრეს და ცეცხლში დგომას აიძულებდნენ.

ორგანიზაციის ცნობით, პუტინის უკრაინაში ჩასვლის შემდეგ შაჩკო კვლავ გაიტაცეს. შაჩკოს ადვოკატის თქმით, ის იმდენად ძლიერად იყო ნაცემი, რომ რამდენიმე დღე საავადმყოფოში გაატარა.