ნიდერლანდების სამეფო NATO-ს სამეზობლოს, მათ შორის საქართველოს თავდაცვისუნარიანობის გაძლიერებაში დაეხმარება. ეს გეგმა ალიანსის სამიტზე გაჟღერდა.

როგორც საგარეო საქმეთა სამინისტრო იუწყება, ნიდერლანდების საგარეო საქმეთა სამინისტროს ვებგვერდზე განთავსებულია ინფორმაცია, რომ სამეფო ამ საქმისთვის ფონდში 1 მილიონ ევროს გამოყოფს. აღნიშნული თანხით ნიდერლადები დაეხმარება საქართველოს, უკრაინას, იორდანიას, ტუნისსა და ერაყს დაგეგმილი პროექტების განხორციელებაში.

ნიდერლანდების საგარეო საქმეთა მინისტრის, სტეფ ბლოკის განცხადებით, აღნიშნული ქმედებით ნიდერლანდები ევროპის მასშტაბით სტაბილურობისა და უსაფრთხოების შექმნას უწყობს ხელს.