ხადას ხეობაში მომხდარი სასტიკ მკვლელობაში ბრალდებული ბრალს არ აღიარებს. ამის შესახებ ჟურნალისტებს ბრალდებულის ადვოკატმა ალუდა ბუჩუკურმა განუცხადა.

ადვოკატის თქმით, მისთვის გაუგებარია, რატომ გაავრცელა შინაგან საქმეთა სამინისტრომ მსგავსი ინფორმაცია.

"ჩემი დაცვის ქვეშ მყოფი ფლობს გარკვეულ ინფორმაციას, მნიშვნელოვან ფაქტობრივ გარემოებებს. მზად არის ეს ინფორმაცია მიაწოდოს გამოძიებას. არ ვიცი ბრალდების მხარის ამდაგვარი განაცხადი რას ემყარებოდა, მაგრამ დაცვის მხარე როცა ჩაერთოს საქმეში, ადვოკატები შევხვდით, გავესაუბრეთ მას და აქვს ამდაგვარი პოზიცია", - ამბობს ადვოკატი ალუდა ბუჩუკური.

სმიტების ოჯახის მკვლელობის საქმეზე მიმდინარე გამოძიების ფარგლებში დაკავებულია ერთი პირი. 20 წლის მწყემსს გამოძიება სამი პირი მკვლელობას ედავება. მას სამუდამო პატიმრობა ემუქრება. შსს-ს განმარტებით, დაკავებული ბრალს აღიარებს.

უწყების განმარტებით, ხადას ხეობაში ერთ-ერთი ჩანჩქერის მიმდებარე ტერიტორიაზე რაიანი და მისი ოთხი წლის შვილი ურთიერთშელაპარაკების ნიადაგზე 19 წლის მწყემსმა სანადირო თოფით მოკლა. ხოლო ლორა შემთხვევის ადგილიდან გაქცევის მცდელობისას ხევში გადავარდა და გარდაიცვალა.