"ჩემი ნათესავი [შალვა] თადუმაძე არ არის, მე ვარ მისი შვილის ნათლია", - ასე გამოეხმაურა იუსტიციის მინისტრი, თეა წულუკიანი ინფორმაციას, რომლითაც მთავარი პროკურორობის კანდიდატი, შალვა თადუმაძე მისი ნათესავი იყო.

"მე ის გავიცანი პოლიტიკურ ბრძოლაში ბატონი შალვა 2012 წელს, როდესაც ბიძინა ივანიშვილის გარშემო ჩვენ ვიყავით იურისტების ჯგუფი შემოკრებილი, რომლებმაც ქართულ ოცნებასთან ერთად ვიბრძოლეთ და დავამარცხეთ ნაციონალური მოძრაობა", - განმარტა მინისტრმა.

მთავარი პროკურორის შესარჩევ კონკურსში განაცხადი საქართველოს მთავრობის ადმინისტრაციის უფროსმა შალვა თადუმაძემ 2 ივლისს შეიტანა. საპროკურორო საბჭოს გვერდზე ატვირთული ინფორმაციის მიხედვით, შალვა თადუმაძის რეკომენდატორი თბილისის სახელმწიფო უნივერსიტეტია.

მთავარი პროკურორი საპროკურორო საბჭომ უნდა აირჩიოს, რომლის თავმჯდომარეც იუსტიციის მინისტრია.